Nəqliyyat sektoru bu gün iqtisadiyyatın və hər birimizin həyatının əsasını təşkil edir. Heç bir iqtisadi sahə nəqliyyatsız  inkişaf  edə bilməz. Mütəxəssislərin araşdırmasına görə nəqliyyat sektorundan ətraf mühitin çirklənməsində avtomobillər 85%, dəniz və çay nəqliyyatı 5.3%, hava nəqliyyatı 3.7 %, dəmir yolu 3.5 % və kənd təsərrüfatı maşınları cəmi 2.5% iştirak  edir.

Bundan başqa avtomobillərin yaratdığı səs-küy və vibrasiya insan səhhətinə olduqca pis təsir göstərir və nəticədə bəzi məlumatlara görə iri şəhərlərin əhalisinin  49.5  % - ində müxtəlif əsəb xəstəliklərinin yaranmasına gətirib çıxarır.

     Hazırda avtomobil nəqliyyatından ətraf mühitə atılan tullantılar 674 min. ton olmaqla ümumən Bakı şəhərində çirklənmənin 70%-ni əhatə edir (Ekologiya və Təbii Sərvətlər Nazirliyinin məlumatı-2009-cu il) və beləliklə də stasionar mənbələrdən atılan tullantıları (300 min ton) xeyli üstələyir.